وش فيك ياعيني على الدمع تمسين ؟؟

وش فيك يا عيني على الدمع تمسين
تكلمي قولي عسى ما بك خلاف

السالفه عسى ماهي صدّ غالين
وإلا من الماضي غشى جوفك أطياف

لا تنثرين الدمـــع طالبك تكـــفين
تصبري هـــذي حـياتي وتنعاف

أبقول لك وأنا وذقـت الأمــــرين
عن واقع(ن) عجزت تحمله الأكتاف

ذقت الغرام أيام وشـهور وسنين
وذقت الفراق بلحظة(ن) غاب الانصاف

رحت بخفوقـــي للمتاهات والبين
ولا رجعت إلا على ظهر الأحساف

عشقت مـن تلع الرقاب المزايين
بنت(ن) تعدى زينها حد الإسراف

بنت(ن) شرفها ما يقاس بموازين
هذا وهي من نسل عسرين الانكاف

إن قلت ما قد شابهه بالبشر شين
مكذب لأنه بالشرف بنت الأشراف

أنا أشهد إنه كامله عقل(ن) ودين
يا تلّ قلبي لا تلاقت بنا اطراف

صدفه تجمع بالمعاليق قـــلبين
كم حيّرت من بدة الخلق عراف

حطيت له في وسط قلبي عناوين
وشيدت من طوب الغلا روعة القاف

حتى قصور الحب ما جات من طين
إلا وربي جيت بالصدق غــــراف

تمزح معي وتقول بغيب يومين
واسكت وأجاوبها بدمعات ذراف

مدري وش اللي صار في يوم الإثنين
عجزت خطاوينا تحقق لنا أهداف

واليوم أنا من غيبة الخل مسكين
شديت قارب بالهوى دون مجداف

لكن غريبه كيف طعنات سكــين
من القرابه ثم تــوردك الأحتاف

لملمت جرحي بالهوى دون تأبين
واللي ذبحني جور شرهات الأشغاف

هذا الفراق وصار ما ندري مـــنين
بس الوكاد إن الغلا بالصدر طـــاف

ويا عيني اللي من دموعك تهلين
ما لوم دمعك لو على الخد ينشاف

روعه يا هموس

والله انك
مبدعه

استمري
queen

عازف الصمت
يعطيك العافيه واسعدني وجودك
دمت في خير

[ندعوك للتسجيل في المنتدى أو التعريف بنفسك لمعاينة هذه الصورة]